January 23, 2009

Hook

Isa sa magandang bagay ng pagkakaroon ng bata sa bahay ay ang pagkakataon muling maging bata.






Kagabi, muli kong pinanood ang pelikulang "HOOK" kasama ang aking apat na taong pamangkin na si Joshua. Muli na naman akong napunta sa Neverland at kasabay ni Peter, muli na naman lumipad ang aking isipan. Bagets na bagets pa ako ng una kong mapanuod ang movie pero sariwang-sariwa pa sa isip ko ang pangarap na nabuo matapos kong mapanuod iyon. Tulad ng maraming bata at maging ng ilang-isip bata, minsan ko rin ninais makalipad. Minsan ko rin pinangarap maramdaman ang hangin habang lumulutang ang iyong katawan patungo sa dulo ng mundo na tila walang katapusan. Ngunit, masasabing tulad ni Peter sa pelikula, nadala rin ako ng bilis ng panahon at ako rin ay nakalimot. Iba na ang dating sa akin ng pelikula ng panoorin ko ito kagabi. Sa halip na muli akong mangarap lumipad ay bigla akong nangarap muling maging bata.

Marahil kasing imposible ng paglipad ang pangarap ko na muling maging bata. Kahit hindi masyadong halata sa aking height, sa totoo lang ako po ay MEDYO bata na lang. Marami na akong naging karanasan, natutunan at siguro ilang bagay na nakalimutan at gustong talikuran. Mahirap man tanggapin, ngunit ang tunay na buhay hindi katulad ng sa Neverland, hindi ka mabubuhay ng puro imagination. Sa totoong mundo kelangan ng realization. Hindi nakapagtatangkang hindi alam ni Peter ang kanyang Happy Thought na kanyang kailangan para makalipad. Ako man, kung tatanungin hindi ko alam kung anong tunay na makapagpapasaya sa akin. Marami akong pangarap at gustong gawin ngunit hindi ako siguradong sapat ba ito para ako ay lumipad sa tuwa. Maraming tao sa totoong mundo na katulad kong nalilito at tila ba walang pupuntahan. Kaya siguro ganun na lang aking pagnanais muling maging bata dahil mabuti pa ang isang bata sigurado sa kanyang sarili. Alam niya kung ano ang kanyang Happy Thought.

Maraming matutunan ang mga matatanda sa mga bata. Hindi ko maiwasan mainggit at humanga sa kanilang tingin sa mundo. Natutuwa ako tuwing naririnig ko si Joshua sabihing "WOW" sa isang bagay na sa mata ko ay balewala. They know how to appreciate even the smallest things in life. Isang bagay na tayong mga matatanda ay nahihirapan gawin dahil sa ating paghahangad ng mga bagay, dahilan kung bakit hindi natin napapansin ang mga magagandang bagay na nangyayari sa araw-araw. Isa pang bagay ang gusto ko sa bata ay ang kakayahan nilang mangarap na tila ba walang imposible. Minsan sila si Superman, minsan sila si Spiderman, minsan sila Peter Pan. Kaya nilang maging kung sino man nila naiisin. Sana taglay ko pa rin ang katulad na enthusiasm sa lahat ng bagay gusto kong gawin. Gusto ko pa rin mangarap at maniwalang walang imposible.

Minsan, naranasan ko na rin lumipad sa sobrang tuwa ngunit siguro talagang malakas ang gravity dahil ilang ulit na rin ako nahulog. Sa bawat pagkakataon ako ay nasaktan at nag-isip na hindi na muling bumanggon pero dahil rin sa karanasan kong lumipad ay mas lalo akong nagkaroon ng pag-asa na matatagpuan ko rin ang aking "Happy Thought" at ang Neverland kung saan hihinto ang panahon.


Related Posts :



9 comments:

revsiopao said...

Truly there are a lot of W.O.N.D.E.R.F.U.L. things that we can learn from children:
W - onder
O - ptism
N - aïveté
D - dependence (healthy)
E - motions
R - esilience
F - ree Play
U - niqueness
L - ove

And these are our innate gifts.
We just forget along the way.
The good news is, even as adults, we can always re-visit the CHILD WITHIN!

Cutter Pilar said...

hook pala a. krokodayl at ticking ng alarm clock lang ang katapat nyan! :)

Marlon said...

REVSIOPAO! ASTIG ka talaga mag-comment. hahaha akalain mo naisip mo iyon? sa bagay, THAT's what i would expect sa kapwa cute.

Cutter Pilar, Nye! pano na ang kalaban ni peter eh tinalo mo na?

Chyng said...

You should watch TinkerBell's movie too!

Marlon said...

Hey! thanks for dropping by. Yup! i've actually seen Tinkerbell, I have an 8 yr old niece and a 4 yr old nephew so i guess it can't be helped.

Dylan Dimaubusan said...

Hey Marlon, nice post. I dreamt of flying too when I was a kid.. as in parang Peter Pan. until now. haha!

to Chyng,
talaga Tinkerbell Movie meron? haha, nahuhuli ako sa balita, lolz

utoysaves said...

kung minsan kasi, sa kakamadali nating maging grown-up, nakalimutan na nating mag-enjoy ng pagiging bata.ü
but it's never too late to be young again, basta may konting imagination at isandamukal na trust sa sarili at sa Diyos, soar high lang tayo.ü

i updated the link na. God bless!

utoysaves said...

kung minsan kasi, sa kakamadali nating maging grownup, nakalimutan na nating ma-enjoy ang pagiging bata.
pero may time pa naman tayo eh.ü basta ba may imagination, may tiwala sa sarili at sa Diyos at basta ba bukas sa lahat ng pwedeng mangyari, maeenjoy na rin natin ang nawala nating childhood.
I adjusted your link na. thanks for the heads up and GOd bless!

Marlon said...

Utoysaves, salamat po sa iyong comment. Tama ka, at siguro nga hind pa masyadong late to become a kid again. hehehe salamat sa pag-ayos ng link.!

Post a Comment

WhAt Do YOu Say?

Related Posts Widget for Blogs by LinkWithin