The Happy B-Day Post!

January 13, 1987. 8,037 days ago. Sa araw na iyan ako pinanganak at diyan unang umiyak dahil pinalo ako sa pwet. (kayo din siguro) Dahil sa araw na iyan, kabilang ako sa year of the rabbit at isa akong capricorn. Nag-try ako mag-research kung anong pinakamagandang nangyari sa araw na yan sa kasaysayan pero wala na atang hihigit pa sa katotohanang pinanganak ako sa araw na iyon. (Oh, walang aangal b-day ko)

Dalawang pagkakataon lang sa buong buhay ng tao kung saan puro maganda ang sasabihin nila sayo. Iyong una ang b-Day mo, (ako b-iday ko ngayon so alam na) at pangalawa iyong madalas nating nakikita sa balita. Kapag namatay ka na.Wag niyo na hintayin mamatay ako bago niyo pa simulan ang mga pagsasabi kong gaano ako kabait, ka-sweet,ka-kyut at paano ako nakatulong sa iba, paano ako naging inspirasyon at example at kung gaano niyo ako kamahal. Sayang, pag patay na ako hindi ko na maririnig. Kahit joke!joke! go lang!

Medyo nakakahiya man aminin, pero medyo matanda na ako. Dalawang dekada at dalawang taon na ako nabubuhay at sa palagay ko hindi ako makakatagal ng ganito kung hindi sa lahat ng tumulong, tumanggap at gumamit sa akin. hahaha

Balak ko gumawa ng seryosong post kaso wag na, umiyak pa ako. so gagamitin ko na lang ang post as a tenk you message:

Una sa lahat, salamat sa pamilya ko, sa mga magulang ko at higit sa mama ko na nasa langit na. Kung hindi mo ako iniluwa siguro hindi ko ma-realize na kelangan pala ako ng mundo. Si ate at ke kuya dahil nung bata ako ay lagi nila ako pinapasingit sa paglalaro ng Family computer kahit alam kong masama ang loob nila noon dahil ang linya lagi nila mama sa kanila "Pagbigyan niyo na ang bunso". Salamat pa rin.


(Napansin mo rin, ako pinakacute sa amin tatlo?)


Sa mga naging paaralan kaklase at aking mga guro.

Noong kinder kung saan ako nag-aral diyan sa Barangay Kasilawan sa Makati. Kahit wala akong maalala masyado maliban dun sa kaklase kong iyak ng iyak at ayaw magpaiwan sa nanay niya. Un pala gusto lang daw niya magdasal at doon ko nakilala si Darylle Dalmacio, isa sa mga maituturing na best friend for life (Tol! miss na kita). Salamat.

(I know, bata pa cute na diba?)
Sa Sta. Ana Elementary School kung saan ko iginugol ang anim na taon ng buhay ko. Dito ko nakilala ang mga kaibigan at kaklase hanggang ngayon malaking bahagi ng buhay ko. Salamat kahit lagi kami hinahabol ni Marita at parang palage na lang kami nahuhuli ni Mrs. Elvira Rocal gumagawa ng kalokohan, (Rocal ba iyon?) Salamat dahil diyan ako unang nakakita ng palaka tuwing matatapos ang malakas na buhos ng ulan. salamat at naimulat mo ako sa lahat ng kalokohan at ipinakilala mo sa akin ang mga masters nito. Ang aking mga seatmates. DAVID GALLARDO, DARYLLE DALMACIO, DANIEL GARCIA, CHARLES EDMOND BALLARAN, At syempre si MARK IAN BATIS. hahahaha MGA TOL, nasaan man kayo, PA-KISS! Salamat sa Sta Ana kasi dito ako unang nagka-crush, CATRINA BALANO, MIKAELA KHRISE VEIGE O. SION, OO, Naging crush ko kayo. wahahahahahahaha Salamat sa Sta Ana kasi dito nabuo ang JUDGE. Justice etc...(Sinong nakakaalala?) hahaha Kyut!

Salamat sa Sta. Ana at masustansyang pagkain na mabibili mo lang sa tray (may tatak pinoy seal) at juice na iniinom sa basong hindi namin masyado nahugasan dahil puro laro ang inaatupag namin. Salamat ke Bb. Filipinas Cacho dahil ni minsan hindi niya kami pinagduduhan kung bakit kapag HEKASI kami naghuhugas ng baso. ang haba na ata ah...gang sa susunod na kwento about sa STA ANA. Salamat sa memories.


(pinilit lang ako sumali diyan kasi buong grade 1 yan ampf!)


Salamat sa pagbibigyang kahulugan sa salitang "over-populated". Salamat at naipadama mo ang tunay na ibig sabihin ng "tropikal na klima" Ms. Flores, salamat sa pagpapaintindi sa amin na hindi naman pala ganun kahalaga ang MAPEH dahil kahit wala ka palagi, pwede naman kami maging masaya. VILLAMOR salamat dahil kung hindi dahil sayo hindi mabubuo ang PAROKYA NG GELTIC. Isang barkadahan wala ng mas astig pa. Salamat ke Perslab, kung hindi dahil sayo. hindi ko maiintindihan ang ibig sabihin ng "That's what friends are for" Salamat din dahil kahit hindi ko inaasahan sayo rin pala mangagaling si 2ndlab at maging si MS. U na sobrang kulit pero masarap kung magmahal. Muli, gang sa susunod na kwentong Villamor. Salamat.


My 2nd High School Graduation (OO! twice ako nag-grad)

Birds of the same feathers are the same kind of birds (barkada ko)


AFS,Salamat at ipinakilala mo sa akin ang MUNDO. Kung hindi dahil sayo siguro ako ay isa na lang statistic na kabilang sa dahilan kung bakit mahirap ang Pilipinas. Salamat sa pagpapa-experience sa snow, at pagpasyal sa mga lugar na kahit sa panaginip masyadong malayo. Salamat sa pagpaparinig ng mga kyut na accent ng lahat ng nakilala ko. Salamat.


Talk about Silaw (exchange students)




(hindi yan styro at hindi rin yan Star City)

Sa LYCEUM, at LDS

Kahit nagsisimula pa lang ang kwento natin masasabing ang kwento ay walang patutunguhan kung hindi puro ligaya. Salamat at ipinakilala mo ang Isnaberang may British Accent at gusto siyang tawagin as Her Royal Highness, Kay Jayce na isa sa mga pinaka-astig na nakilala ko, kay Mark na Ka-B-day ko, HAPPY B-Day! Dahil sayo may nakilala akong hindi marunong tumawid OO, ikaw iyon abbie. At dahil sayo nalaman ko hindi lahat ng anak ng politiko may body guard. Dahil sayo, nakilala ko ang astig na manunulat na si Hans, at kay kate na mas malalim pa sa akin.

Salamat Sa LDS, sa pagpapa-alalang palaging may dalawang panig ang sa isang kwento at walang topic and hindi pwedeng pag-debatihan ng mga kabataang walang magawa. Salamat sa pagmumulat sa problema ng mundo at salamat sa pagbibigay halaga sa mga maaring solusyon dito.

(Opo debater ako, hindi lang halata at OO, kyut talaga ako)

Sa TP AT ACS AGENTS, SUPS, MC'sat ACM'S:

Salamat sa pagbibigay ng mga aybags, salamat at dahil sa inyo lalo akong naging adik sa kape. Salamat sa mga na-ipundar ko. hahahaha. Salamat dahil natutunan ko pano maging call center agent na hindi tumatanggap ng tawag. Salamat sa pagbibigay ng pagkakataong i-resolve ang issue ng customer. wow!MC, salamat dahil hind mo masyadong pinapansin iyong "Haduken" kung hindi naman kelangan. Salamat Sa CM na paupo-upo lang at sa pag-set nila ng unreachable metric goals. Sa team ko, nasaan na kayo? kunwari pa kayong ayaw na sa call center. Naku! hahaha...

(hindi malabo mata ko, pa-kyut lang)

Sa mga new found friends sa blogosphere, sana hindi tayo magsawa sa pagbisita at pagbigay buhay sa mga makabuluhang blog post. Marahil alam niyo bilang blogger at tuwa at ligaya kapag nakakabasa ng mga bagong comments sa post na pinaghirapan mong isulat--isinulat hindi iyong paste mo lang. Tandaan niyo lang, lahat ng naniniwalang kyut ako, kyut din! Gawin natin kyut ang mundo, parang smiley lang. hehehehe Sa mga pinagbigyan ko nito salamat sa pagtanggap at sana makita ko ito sa inyong pahina! MABUHAY ANG MGA CUTE!

Uhm, kanina lang ng simulan ko to wala ako maisulat ngayon kelangan ko pa pigilan ang sarili ko. Naisip ko bigla sobrang ganda at dami na pala ng nangyari sa pamumuhay ko dito sa mundong ibabaw. Hindi ko tuloy mapigilan ang sarili ma-excite sa blog post ko at age 50 or 75 kung saan dinidikta ko na lang sa apo ko iyong isusulat.

SALAMAT SA LAHAT NG BUMATI!

Nagmamahal,

Marlon Celso


(P.S sa mga hindi ko nabanggit wag kayo mag-alala hindi ko kayo nakalimutan, hindi ko lang kayo maalala MAGKAIBA IYON. wala pang 1 month ang blog ko, maisusulat ko rin kayo nagmamadali lang talaga dahil mag-comerxal na daw sabi ni direk)