MEET MY NEXT GIRLFRIEND

Matagal ko na rin pinag-iisipan kung dapat na akong magkaroon ulit ng GF at matapos ang mahaba, masalimuot, masusi, at malokong pag-iisip. Napagdesisyonan ko na ang susunod kong GF ay si Anna Katrina Dumilon Nadal na mas kilala niyo sa pangalan na Kitchie Nadal.


Actually, nabuo ko na rin iyong love story namin.

Babala: ang mga sumununod na eksena maging ang litrato ay kathang isip lamang , Bawal ang mainggit at magselos. Ang mga sumusunod na tagpo ay naganap one year mula ngayon.

Sikat na ang blog kong Perspektib sa buong Pinas, sa katunayan nga noong nakaraan Sabado lang ay na feature si Mr. Perspektib himself sa show na "Kapuso Mo: Jessica Soho" dahil sa launching ng una kong Libro. Marami na akong nakilalang artista at ilang celebrities na rin ang libreng nag-eendorse ng blog ko. Isang araw may na-receive akong email mula sa manager ni Kitchie Nadal na nakikipag-deal sa isang advertising campaign for her latest album. Willing daw siyang ma-feature ng libre 3rd t-shirt na lalabas sa market.

Lingid sa kaalaman ng manager nila ay isa akong big fan ni Kitchie kaya naman hindi ko na pinalampas ang pagkakataon.

At eto na nga ang t-shirt Design na aking nagawa endorsed by Kitchie.







Ako rin mismo ang kumuha ng mga litrato dahil may nag-donate na sa akin ng Nikon D60. Madalas ang aming naging pagkikita dahil sa pictorials at design brainstorming kaya naman hindi naiwasan maging close kami like this------>


Naging masaya ang aming working relationship at hindi namin namalayan lumipas ang panahon hanggang sa dumating ang huling araw namin magkatrabaho.

Ang launching ng T-shirt design, during the presscon.

Reporter: Marlon, Ano naman masasabi mo kay Kitchie bilang isang artist?

Ako: Well, she's the best! I've always been a big fan but now after working with her I must say, She's simply the best.

Reporter: Kitchie, same question...

Kitchie: Hindi lang pala puro pag-papa kyut alam niya. Magaling pala talaga siya.

(crowd laughing)

Reporter Follow up Question: When are you leaving for your U.S Concert Series?

Kitchie: Right after this One. I'll fly to Chicago.

Reporter: Paanong naiiba si Kitchie sa mga artist na nakatrabaho mo before?

(Napangiti ako sa tanong at dahan-dahan humarap kay Kitchie)

Marlon: It's a difficult question, but I must say that the biggest difference is that while I'm working with her, I didn't feel like I was working, I had the best time of my life with her and

I think...

No...Actually,

I am sure that I've fallen in-love with her.

(Isang malakas at mahabang aaaawwww....ang narinig sa buong kwarto at biglang umulan ng tanong para kay Kitchie, Bumulong siya at muling tinawag ng kanyang manager reporter na huling nagtanong sa)

Bumulong siya at muling tinawag ng kanyang manager ang reporter na huling nagtanong sa kanya:

Reporter: When are you leaving for your U.S Concert Series?

Kitchie: Indefinitely...

(Nagkataon lang pareho iyong naganap sa Notting HILL hehehe)


Aking napagtanto na kagabi lang na hindi lang pala crush ang nararamdaman ko para sa kanya at swak naman siya sa lahat ng hinahanap ko sa isang babae. Medyo marami at mababaw ang aking "qualifications" pero ito ang mga hinahanap ko sa isang babae.

1. Kahit Mayaman Basta Maganda.

Kaya ko naman kalimutan ang katayuan sa buhay ng kahit sinong babae. Ok lang kahit mayaman siya basta maganda ok na iyon. Pasok si Kitchie sa category na ito, maraming hindi nakakapansin pero si Kitchie Nadal (para sa akin) ang isa sa pinakamagandang celebrity sa Pinas'. Hindi man ito pansinin at ganoon ka-striking sa unang tingin ay siguradong masusundan at masusundan ang pagtingin mo sa kanya. Distinct ang kanyang beauty at hindi siya nakakasawang tignan. Ganoon talaga siguro ang mga tipo ko dahil sa mga minahal kong babae ay mas nauna ko pang nakita ang magagandang bagay sa kanila bago pa man ang magandang nilang mukha.

2. Matalino.

Hindi naman sa pagmamayabang pero matalino akong tao (kahit hindi halata) kaya naman gusto ko sa isang babae eh iyong nasa "level" ko. Ang bestfriend ko ang unang nag-introduce sa akin ng idea na ang bawat tao may "level" at kadalasan iyong mga taong ka-level mo eh iyong mga taong madali mong napapakisamahan o nakakasundo. Isa pang paraan ng pagpapaliwanag ng "level" ay ang kasabihang "birds of the same feathers flock together because they are the same kind of birds?" tama ba iyon? Anyway, mahalaga kasi sa kahit anong klaseng relasyon ang pagkakaroon ng certain level of understanding. Dito pumapasok din ang aking pangatlong "qualification"

3. Good Communication Skills.

Madaldal akong tao, makwento, at palaging maraming sinasabi kaya naman mahalaga para sa akin na ang next GF ko ay magaling makipag-communicate para naman tuloy-tuloy ang kwentuhan. I prefer iyong mga magaling mag-english dahil minsan hirap din may mga bagay na hindi ko masabi sa tagalog at SUPER extra points kapag may foreign accent (ang kyut, kyut kasi pakinggang sa tenga).

Syempre, pasok ulit dito si Kitchie pati na rin sa number two. Sobrang talented siya at matalino sa pagawa ng mga kanta in both Tagalog and English at meron siyang kakaibang accent both sa pagsasalita at sa pagkanta. Kapag naririnig ko siya mag-english eh palageng may naiiwang ngiti sa aking mukha na nawawala lang kapag naligo na ako.(Kaya minsan hindi ako naliligo ng ilang araw bihira lang kasi ako ngumiti ng ganoon)

4. Magaling Kumanta

Ito na siguro ang pinakamahirap sa lahat ng "qualifications" ko dahil hindi lahat ng tao ay biniyayaan ng magandang boses kahit na dito sa Pinas na maraming magaling. Kahit na bawat class yata na napasukan ko laging meron isang taong magaling kumanta eh hindi pa rin sila pasok doon sa iba kong gusto, minsan pa nga lalaki iyong singer sa klase (yuck!).

Pero bakit ba dapat magaling kumanta? Simple lang, mahilig ako magsenti at magsoundtrip pero madalas nalowbat ang CP ko kaya naman maganda na iyong may reserba, Isa pa..mas maganda ata pakinggang iyong mga love songs from the person you love. naks!

Wala na sigurong aastig pa sa moment na kinakantahan ka ni Kitchie Nadal habang nakahiga kayo sa damuhan tapaos nakitingin kayo pareho sa langit nag-aabang ng wishing star na hindi mo naman na kelangan dahil wala ka ng hihilingin pa sa oras na mangyari iyon.

5. Mahal ako.

Simple lang ang qualification na ito at siguro hindi ko dapat pang ipaliwanag. (dito lang bagsak si Kitchie)


May ilan siguro na pwedeng magsabi na iyong mga qualification ko na yan ay masyadong mataas, o di kaya'y masyadong mababaw pero ayon sa aking track record sa pag-ibig ay mas madalas na hindi ko rin naman iyan nasusunod. Sabi nga nila, ang mga "QUALIFICATIONS" at IDEAL GUY OR GIRL sa isip natin ay hindi naman talaga nag-eexist sa totoong buhay dahil isa lang naman dapat talaga ang mahalaga. Dapat lang mahal mo siya dahil sa oras na mangyari iyon. Wala ka ng hahanapin pa.


BILANG ENDING SA POST NA ITO...AT INTRO SA SUSUNOD. ITO ANG LIGAYA BY KITCHIE NADAL: